«Медиа» юнәлеше кысаларында
2 лаборатория - «Видео» һәм «Нейрочелтәрләр» эшләячәк. «Видео» лабораториясендә медиа-индустриянең әйдәп баручы экспертлары җитәкчелегендә катнашучылар социаль челтәрләр, блоглар, туры эфирлар, шоулар, репортажлар һәм кыска форматлар өчен контент булдырачаклар, ә «нейрочелтәр» лабораториясендә - нейрочелтәр технологияләрен һәм ИИ-сервисларны кулланып аудио, видео һәм сурәтләр булдырачаклар. Шулай ук юнәлеш кысаларында республика һәм федераль дәрәҗәдәге медиа-юнәлеш буенча экспертлар белән очрашулар уздырылачак.

«Биләр. Тамырлар» юнәлеше кысаларында
3 лаборатория — «Археология», «Тарих» һәм «РУВИКИ» лабораторияләре — эшләячәк. «Археология» лабораториясендә татар археологиясе галимнәре җитәкчелегендә катнашучылар Биләр шәһәрлегендә чын археологик казылмаларда катнашачаклар, стратиграфия, керамика типологиясе, камераль эшкәртү, кыр көндәлекләрен тутыру күнекмәләрен үзләштерәчәкләр. «Тарих» лабораториясендә — интерактив лекцияләр, чыганаклар (Ибне Фазлан язмалары, карталар) белән эш аша катнашучылар Идел Болгары, Биләр, Алтын Урда, Казан ханлыгы тарихын тирәнтен өйрәнәчәкләр. «РУВИКИ» лабораториясендә катнашучыларны энциклопедик мәкаләләр язу остаханәсе көтә. Алар «РУВИКИ» платформасында мәкаләләр булдырачак, вики-билгеләү, чыганакларга сылтамалар ясау күнекмәләрен үзләштерәчәк.

«Экология» юнәлеше кысаларында 2 лаборатория эшләячәк: «Пластик» һәм «Тукымалар». «Пластик» лабораториясендә катнашучылар пластик каплагычлардан гадәти булмаган аксессуарлар һәм декорацияләр ясаячак. «Тукымалар» лабораториясендә катнашучылар экопринтлар һәм фантазия ярдәме белән киемнәрне эшкәртү өлкәсенә караган осталыкларны үзләштерәчәк.

«Лидерлык» юнәлеше кысаларында 2 лаборатория эшләячәк — «Медиа-хакатон» һәм «Лидерлык». «Медиа-хакатон» лабораториясендә катнашучылар актуаль медиа-мәсьәләләрне чишеп, социаль челтәрләр өчен контент стратегияләре нигезендә, цифрлы инструментларны үзләштереп, медиапродукт ясаячаклар. «Лидерлык» лабораториясендә катнашучылар остазлар белән бергә командада эшләү, проектлар белән идарә итү һәм шәхси лидерлык сыйфатларын үстерү буенча белем алачак. Әлеге лабораториянең йомгаклау нәтиҗәсе буларак һәр катнашучының шәхси лидерлык проектының юл картасы эшләнәчәк. Шулай ук юнәлеш кысаларында тәҗрибәле лидерлар, иҗтимагый эшлеклеләр белән очрашулар узачак, катнашучылар өчен фикер алмашып, яңа белемнәр туплау мөмкинлеге булачак. «Лидерлык» юнәлеше «Сәләт» Клубы һәм «Адымнар» проектлары белән берлектә гамәлгә ашырыла. Шуңа күрә бу юнәлешнең катнашучылары — «Сәләт» Клубы активистлары һәм «Адымнар» мәктәпләренең Сәләт класслары укучылары.

«Мәгълүмати технологияләр» юнәлеше кысаларында 2 лаборатория - «Программалаштыру» һәм «Робототехника» эшләячәк, аларда катнашучылар фикердәшләре һәм тәҗрибәле остазлары белән берлектә үзләренең уникаль һәм инновацион ИТ-продукт - сайтларын, ботларын, механикалаштырылган җайланмаларын төзергә мөмкинлек алачак. Катнашучыларның эш нәтиҗәләре форум мәйданчыгындагы күргәзмәдә күрсәтеләчәк. Шулай ук юнәлеш кысаларында мәгълүмати технологияләр өлкәсендә әйдәп баручы экспертлар, алдынгы ИТ-компанияләр вәкилләре белән очрашулар уздырылачак.

«Иҗат» юнәлеше кысаларында
3 лаборатория - «Бию», «Театр» һәм «Музыка» эшләячәк, аларда катнашучылар тәҗрибәле остазлары белән бергә татар телендә уникаль иҗади продуктлар булдырачак, алар форумның гала-концертында тәкъдим ителәчәк. Шулай ук юнәлеш кысаларында иҗади остаханәләр үткәреләчәк, аларга федераль һәм республика мәдәният һәм сәнгать эшлеклеләре чакырыла.